Letra de RIONE DI DOMENICA - Geolier

Eh, ehi

Ogge aggio avuto na bella nutizia, pure una brutta

Nn'fa niente, chello m'aspettavo

'E sorde, 'e ccullane, 'e diamante incastonate

'O peso che purtammo ogne sicondo e nun sbandammo

'A famiglia, 'e ricorde, 'e tavuliate

'E tramonte, chille tale e quale a ll'alba

Che siente si t'assiente n'attimo? (Yeah, ah)

Aggio pigliato n'ascensore ca nn'è cchiù sceso

Quando succede, te n'accuorge quando è succieso

Aggio mangiato ggià, ma tengo ancora cchiù fame

Cchiù sete, cchiù saglio e nn't'arriende

Aggio restituito a chi me deve

A chi me vuleva bbene primma 'e chesto

Primma ch'ero nu materialista

Primma ch'ero n'altruista cronico

I' sparto tutte cose no pecché so' umile

Ma pecché penzo 'e nn'meretà 'a vittoria

E Napule m'assolve dê peccate

Ferite songo 'e premie, so' 'e medaglie p''e suldate

Comm'è brutto quando suonne e nn't'arricuorde che hê sunnato

Che addore tene 'o cielo, che vista tene 'o spazio

Cchiù 'ncoppa vaje e cchiù addiviente sulitario

Criature fanno ll'uommene 'int'ô specchio imitanno 'e criminale

Ma che friddo fa? Me sciocio 'mmiez'ê mmane (Yeah)

Mo, pure quando è vierno, stongo a mezze maniche (Yeah)

Se vede tutte cose quando staje 'ncopp'ê nuvole

Nn'c'ammo fatto scrupole

Quante tappe 'e sughero 'nterra pecché c'astipavamo 'e tappe

Ce scetavamo ampresso, nn'era maje troppo tarde

I' m'annascunnevo 'mmiez'ê frate cchiù gruosse

Ce devano 'e muorse, vulevo fà 'o 'ruosso

E sapevo comme m'er''a scansà nu fuosso

Da ll'ultimo posto a stà ô primmo posto

Yeah, 'o tauto nn'tene 'e sacche, nn'tene spazio

Ma ce trase quase cchiù 'e na vita sana e ce rimane ancora spazio

Na signora me liggette 'a mano

Me dicette ca essa me liggeva 'a mano sulo si i' 'a leggevo 'a mano

Che sapore tiene mmocca quando daje nu bacio a nu 'nfame?

Che valore daje a na notte quando 'a passe dint'â machina?

Che precede na sirena, n'antifurto o nu sparo?

Che precede 'o paradiso? Che contiene alla fine 'o Sacro Graal?

Yeah, che sapore tene 'o latte quando 'o bive 'mbraccio a mammeta?

Che d'è na scorciatoia? Nuje ammo fatto 'o giro a largo

Che d'è nu lieto fine si lo stesso te fa chiagnere?

Che d'è 'sta lenza 'e sole, vivere tutt''a vita a massimo?

'A piscina â stagione 'a muntavamo 'ncopp'a ll'asteco

Che d'è na stretta 'e mano 'e n'ommo ca nn'tene carattere?

Che d'è na bugia a fin di bene? Stelle dint'a ll'abitacolo

Se vede tutte cose quando staje 'ncopp'ê nuvole

Nn'c'ammo fatto scrupole

Quante tappe 'e sughero 'nterra pecché c'astipavamo 'e tappe

Ce scetavamo ampresso, nn'era maje troppo tarde

I' m'annascunnevo 'mmiez'ê frate cchiù gruosse

Ce devano 'e muorse, vulevo fà 'o 'ruosso

E sapevo comme m'er''a scansà nu fuosso

Da ll'ultimo posto a stà ô primmo posto

¿Te encanta la letra de RIONE DI DOMENICA? ¡Compártela con tus amigos!