Letra de PER EMANUELE - Geolier

Aggio cunsumato tutt''e ponte d''e matite pe scrivere 'e nomme 'e chi m'ha tradito

È fernuto 'o quaderno invece pe chille llà ca m'hanno ancora tradí

Pecché forse da ll'ultima vota nun m'aggio imparato a capí

E manco a tradí chi m'ha appena tradito

Nun ce sta 'a luce 'int'ô core 'e chi nun cumbatte pe almeno na vota dint'â vita

'O core riscalda na persona pe terra ca nn'se move e fa friddo

'O juorno ca Ddio me concede nu minuto sulo i' e isso 'a vicino

Quando succedarrà, me scordaraggio tutte cose, 'o guardo sulo e sto zitto

Chissà addò steva scritto, anzi, no, chi l'ha scritto

E, si nun c''esse riuscito, cu chi stesse riunito?

Ah, 'o dulore m'è frate, 'o surriso m'è figlio

Tutt''a vita mia è longa, n'aggio vissute cinche

Nisciuno vò bbene a mammà comme 'a vò bbene patemo, manco i'

Nisciuno vò bbene a me comme me vò bbene mammema, sulo i'

Nisciuno a me m'ha ditto: "Bravo" primma ca era evidente

I' nun perdo, me 'mparo

L'inchiostro me copre tutt''o corpo

Nun veco nemmanco cchiù 'e pile oltre 'e ferite

'Int'â guerra i' nun stongo in pericolo, songo 'o riparo

I' songo Genesi, primo capitolo, primo versetto, chillo â primma riga

I' songo 'a porta, so' 'a chiave

I' songo 'e prime d''e cchiù furtunate

Sì, ca ce l'ha fatta, però c'ha pruato

A fratemo desse tutte cose in regalo pe quanto è cuntento ca ce l'aggio fatta

E ancora nn'è detto ca ce l'aggio fatta

'O core se ferma pe quatto siconde si penzo ca 'o perdo e nn''o veco dimane

Nu guaglione se sceta e nun tene dimane

E nn'ce vene nemmanco 'e mannà nu messaggio

Pecché nn'tene nemmanco a chi c'ha dda mannà nu messaggio

Me dà pure 'o diritto a me ca 'o posso raccuntà

Ma che ffa? 'O dolore nn'se leva, t'abitue

Ogne tanto t'è pure cumpagno 'int'â vita

È na luce 'int'ê ccose cchiù finte

Ma è nu muro 'int'ê ccose ca t''iss''a tené

Ê vote me chiedo si è overo ca 'e stelle in realtà nun esisteno cchiù

E nn'è overo che 'e sorde nn'te fanno felice

"Nn''o penzà a Manuele

Chillu nn'capisce niente, è sulo nu pezzente sagliuto

Ca mo sta 'mmiez'ê ricche e vò fà vedé ca ce piace 'stu rilogio

Ma nn'capisce niente

Sta a Montecarlo p''a Formula 1, nun sape nemmanco si vanno a benzina

Nn''o penzà, è nu povero Ddio

I' 'o cunosco bbuono ca è comme fosse i'

Comme fosse i'"

No, no, no

No, no, no

Ah

No, no, no

No, no, no

¿Te encanta la letra de PER EMANUELE? ¡Compártela con tus amigos!