Letra de ’NA VITA ANNANZ - SLF

(Feat. Geolier)

Sempe stato a ll'urdemo banco

Maje tenuto n'angelo a ffianco

Machine 'e lusso, cullane 'rosse, faccio penziere sbagliate

Scusa, ma', si aggio sparato

Vulesse turnà areto, però nun torno â casa

Nn'so' maje stato uno d''e tante

Nun respiro, l'aria me manca

Tenevo nu suonno, tenevo nu nomme

Tenevo tutt''a vita annanze

Scusa, ma', m'hanno sparato

Mo stongo stiso 'nterra, 'o core s'è fermato

Facce pulite, mane sporche 'e sanghe, killer a quinnic'anne

'A vita perde valore e l'aria se fa pesante

Cresciuto ch''e mite sbagliate, l'esempio d''o pate

Che è stato cchiu 'a dinto che â casa, pare fatto c''o stampo

Parte nu colpo che spezza 'o silenzio

Pe fà esperienzie 'mmiez'â via se mette fine a n'esistenza

E Napule chiagne n'atu figlio martire

E 'sta società ch'emargina chi è bbuono e dà nu premio a chi nn's''o mereta

Nun basta truvà 'o colpevole pe cagnà 'e cose

'E sorde nn'ponno accattà chello ca nun tene costo

Te chiede: "Chesta è 'a strada giusta?", Dio nun t'ha risposto

Chi vò fà bbene dint'â vita nn'pò ricevere l'opposto

Vive 'o pericolo comm'abitudine

Puorta nu fierro a ll'inguine tutt''e sere p'attitudine

Cecato dô putere, penza d'essere invincibile (Yeah)

Ma po se trova sulo (Ah) na ferita inguaribile (Yeah)

Scusa ma', scusa pa', scusa Dio, scusa fra'

Scusa â mamma e ô pate 'e chi è caduto 'nterra

Scusa ch'alla fine è juto comme te penzave

Scusa pa', 'o saccio ca tutte 'sti scuse nun te serveno

Santo forse era 'ddiventato jucatore

E pure Giogiò era 'ddiventato musicista

I' so 'ddiventato detenuto, prevenuto

'O munno m'hê caduto 'ncuollo e sto sulo i' e nisciuno 'o 'iza

'O sanghe 'nterra pe via 'e ll'intemperie s'aggrumisce

'Sta pistola, tutto 'sto sudore arrugginisce

Mammà cu tutt''e collere che piglia more primma

Papà nun me difende nonostante songo 'o figlio

Scusame, usame comm'e n'esempio

Mo nun tengo futuro ma sulo passato e presente

Ma papà e mammà m'amano sempe

Sempe stato a ll'urdemo banco

Maje tenuto n'angelo a ffianco

Machine 'e lusso, cullane 'rosse, faccio penziere sbagliate

Scusa, ma', si aggio sparato

Vulesse turnà areto, però nun torno â casa

Nn'so' maje stato uno d''e tante

Nun respiro, l'aria me manca

Tenevo nu suonno, tenevo nu nomme

Tenevo tutt''a vita annanze

Scusa, ma', m'hanno sparato

Mo stongo stiso 'nterra, 'o core s'è fermato

Simmo vittime e carnefice (Ah)

Tu saje distinguere 'o bbene dô male

Dipende 'a comme sî stato educato

Passo veloce, precoce (Yeah)

'Mmiez'â via 'o segno d''a croce

Guagliune senza voce prese 'e mira

Chi sbaglia vò nu lieto fine, ma nn'è 'o cinema

'A realtà tene quase sempe nu finale atroce (Finale atroce)

E nn'è normale ca chi studia, chi fatica

Fernesce tre metre sottoterra 'int'ô tauto

Ccà nisciuno te salva

Nisciuno t'aiza 'a terra si nn''o faje tu

Te muove oppure aspiette che cagna?

Nisciuno penza a te si nn'ce pienze tu

Dimme che faje quando pierde 'a fede

T'aize e vaje annanze o te guarde areto?

'Sti strade so' fredde, nisciuno ccà vence (Angelo)

Quanto costa na vita? Arrive ê diciotto e po?

I' jucavo ô pallone cu nu guaglione 'e core

Chi te vò bbene vò sempe coccosa

Caccio 'a pistola si me spuorche l'Air Force (Fah-fah-fah-fah)

Mo me ne vaco, meglio si me ne fujo

Io nun so' comme lloro, lloro nn'so' comme nuje

Napule ê vote fa male, ma nun è colpa soja

Forse ce manca nu Stato oppure simmo nuje

Nn'so' maje stato uno d''e tante

Nun respiro, l'aria me manca

Tenevo nu suonno, tenevo nu nomme

Tenevo tutt''a vita annanze

Scusa, ma', m'hanno sparato

Mo stongo stiso 'nterra, 'o core s'è fermato

¿Te encanta la letra de ’NA VITA ANNANZ? ¡Compártela con tus amigos!